தவணை முறையும்.. தத்தளிப்பும்

    வல்லமை தாராயோ இந்த              மாநிலம்  பயனுற        வாழ்வதற்கே!  

        தவணை முறையும்…                         தத்தளிப்பும் !

    சமீப காலங்களில் நான் அவதானித்து வரும் ஒரு விஷயம் மக்களிடையே சேமிப்புப் பழக்கம் குறைந்து வருவது.. அல்லது அறவே இல்லாதது. 

   " பத்து ரூபாய் சம்பாரிச்சாலும்.. பத்துப் பைசா சேமிக்கணும் " ! இது எங்கள் கிராமத்துப் பாட்டி அடிக்கடி சொல்வது. 

   " இல்லே இல்லேன்னு கையில கொஞ்சம் வச்சிருக்கணும்.."  இது எங்க பெரியக்கா எப்போதும் சொல்வது. 

    அப்போது அறியா வயது. ஒன்றும் புரியவில்லை.

    ஆனால் திருமணமாகி வாழ்க்கையை என் கணவரின் மிகவும் குறைவான சம்பளத்தில் தொடங்கிய போது மெல்லமெல்ல மெல்லமெல்லப் புரியத் தொடங்கியது சேமிப்பின் அருமை.

    அதன்பின் சிறுகச்சிறுக சேமிக்கத் தொடங்கினேன். 

     அப்போதெல்லாம் அதாவது 1970 களின் மத்தியில் 1பைசா..2 பைசா..3 பைசா மற்றும்5..10 பைசா நாணயங்கள் புழக்கத்தில் இருந்தன. அவைகளை அப்படியே ஒரு பக்கமாகப் போட்டு வைப்பது.. அன்றாடம் காய்கறி வாங்குவதில் மீதம் ஆகும் சில்லறைகளை தனியே வைத்துவிடுவது..என்று.

     வங்கியில் அல்லது அஞ்சலகத்தில் சேமிக்கும் அளவுக்கு வசதி கிடையாது.

ஆனால் நான் மேற்சொன்ன முறைகளில் சேமித்தவை அவசரத்துக்கு நன்கு உதவும்.

அதைத் தவிரவும் மீதமாகிறதை வைத்து எத்தனை எத்தனையோ நன்கு படிக்கும் பணவசதி இல்லாத பிள்ளைகளைப் படிக்க வைத்தோம்.

    அந்த மாதிரி மக்களுக்கு ஒரு மருத்துவ செலவு.. அவசரச் செலவு என்றால் எங்களால் தயக்கமின்றி உதவ முடிந்தது நண்பர்களே !

      இன்றும் அப்படி ₹.5 ,₹.10 இவற்றை ஓரிடத்தில் தனியே போட்டு வைப்பேன். இன்றும் அவை பணவசதி இல்லாதவர்கள் வந்து உதவி கேட்கும் போது…

" இல்லை " என்று சொல்லாமல் உதவ வழிவகுக்கிறது.

       எவ்வளவு பணம் கையில் இருந்தாலும் செலவுதான் ஆகும்.

       தற்காலத்தில் அஞ்சலகங்கள் மற்றும் வங்கிகளில் எத்தனை எத்தனையோ வகைகளில் சேமிக்க முடியும். பிள்ளைகள் படிப்பு.. திருமணம்.. மருத்துவக் காப்பீடு.. வயதான காலத்தில் யாரையும் எதிர்பார்க்காமல் நமது வாழ்வை நடத்த - இப்படி எப்படி வேண்டுமானாலும் சேமிக்கலாம். நாம் கொஞ்சம் முயல வேண்டும்.. அவ்வளவுதான் !

     அஞ்சலகங்களில் இப்போது நிறையத் திட்டங்கள் இருக்கின்றன. 

     இது இல்லாமல் Franklin Templeton போன்ற தனியார் வங்கிகளில் Systematic Investment Plan (SIP) அதாவது தொடர் வைப்பு சேமிப்பு (Recurring Deposit என்று பொதுவாகச் சொல்வது) என்ற முறையில் மாதாமாதம் ஒரு குறிப்பிட்ட தொகையைச் செலுத்தலாம் : அன்றி மொத்தமாக ஒரே தவணையில் செலுத்தலாம்.

         முன்பெல்லாம் Provident Fund  என்பது தொழிற்சாலை ஊழியர்களுக்கு மட்டுமே முடிந்தது. ஆனால் இப்போதோ Public Provident Fund இருக்கிறது. இதில் யார் வேண்டுமானாலும் இதில் சேமிக்கலாம்.

    இப்படி பல வழிமுறைகள் இருக்கின்றன.

       இது தொடர்பாக நான் உங்களிடம் பகிர்ந்து கொள்ள நினைக்கும் ஒரு முக்கியமான விஷயம் - கூடுமானவரைத் தவணை முறையில் பொருட்கள் வாங்குவதைத் தவிர்த்து விடுங்கள் ! 

      இன்று நிறையப்பலர் செய்யும் மிகப்பெரிய தப்பு…தவணையில் கிடைக்கிறது என்பதற்காகத் தேவையில்லாதவைகளைக் கூட வாங்கிக் குவிப்பது. 

      தேவையில்லாதவைகளை போலி கௌரவத்திற்காகவோ அல்லது "அடுத்தவர் வைத்திருக்கிறார்..நாமும் வாங்குவோம்.." என்றோ வாங்குவது துளியும் யோசிக்காமல். 

இறுதியில் ஒவ்வொன்றாக 'இவ்வளவுதானே.. இவ்வளவுதானே ' என்று வாங்கி விட்டு மாத முதல்வாரத்தில் ஊதியம் வாங்கும்போது..(வாங்கிய பொருட்களுக்கெல்லாம் ஊதியத்தில் பிடித்துக் கொள்ளச் சொல்லிக் கையெழுத்துப் போட்டுக் கொடுத்திருப்பார்கள்) வாடகை..மளிகை.. பால் பிள்ளைகளின் படிப்புச் செலவுகள்.. எதிர்பாராமல் ஏற்படும் செலவுகள் - இப்படி கட்டாயம் கொடுக்க வேண்டிய செலவுகளுக்குக் கூடக் கையைப் பிசையும் நிலையில் வந்து நிற்போரை நான் நிறையப் பார்த்திருக்கிறேன்.

    On Savings : 

Don't save what is left after spending , but spend what is left after Saving.

மேலே உள்ளது திரு.வாரன் பபெஃட் (Warren Buffet)   சில ஆண்டுகளுக்கு முன் சொன்னவை... அமெரிக்க தொழில் முதலீட்டாளர் சில ஆண்டுகளுக்கு முன் சொன்னது.

     பங்கச் சந்தை உலகத் தந்தை என்று அழைக்கப்படும் இவர் மேற்கொண்டு சொன்னதையும் இங்கே பாருங்கள் பிள்ளைகளா!

       On Earning :

Never depend on Single income. Make investment to create a Second source.

     On Spending :

If you buy things you don't need, soon you will have to sell the things you need

      On Savings : 

Don't save what is left after spending , but spend what is left after Saving.

   On Taking Risk :

Never test the depth of river with both feet.

     On Investment : 

Don't put all eggs in one basket.

     On Expectations :

  Honesty is very Expensive Gift. 

 Don't expect it from cheap people.

  எனக்கு இதில் எதுவும் புதிதாகத் தோன்றவில்லை. ஏனெனில் இவை எங்களுக்கு எங்கள் வீட்டில் அடிப்படைப் பாடங்களாகக் கற்பிக்கப்பட்டவை...

   நாங்கள் சொன்னால் கேட்க மாட்டீர்கள்... இந்த அமெரிக்காக்காரர் சொல்வதையாவது மனதில் பதிய வையுங்கள் இளைஞர்களே !

" கல்கண்டு " என்ற தமிழ் வார இதழின் ஆசிரியர் காலஞ்சென்ற திரு.தமிழ்வாணன் (லேனா தமிழ்வாணன் அவர்களின் அப்பா ) அவர்களும் அந்தக் காலத்திலேயே இவற்றை வலியுறுத்துவார்.

நல்வாழ்த்துக்கள் நண்பர்களே !

நல்வாழ்த்துக்கள் இளம் பிள்ளைகளே !

வாழிய பாரத மணித்திருநாடு !

Dear Young Parents.. Just for You

    வல்லமை தாராயோ இந்த மாநிலம் பயனுற வாழ்வதற்கே !

அன்பானவர்களுக்கு                    வணக்கங்கள் !   

              To all parents 

     There was a very brilliant boy, he always scored 100% in Science.

Got Selected for IIT Madras and scored excellent in IIT.

Went to the University of California for MBA.

Got a high paying job in America and settled there.

Married a Beautiful Tamil Girl.

Bought a 5 room big house and luxury cars.

He had everything that make him successful but a few years ago he committed suicide after shooting his wife and children.

*WHAT WENT WRONG?*

   California Institute of Clinical Psychology Studied his case and found “what went wrong?”

    The researcher met the boy's friends and family and found that he lost his job due to America’s economic crisis and he had to sit without a job for a long time. After even reducing his previous salary amount, he didn't get any job. Then his house installment broke and he and his family lost the home. they survived a few months with less money and then he and his wife together decided to commit suicide. He first shot his wife and children and then shot himself.

  The case concluded that the man was Programmed for success but he was not trained for handling failures.

  Now let's come to the actual question, What are the habits of highly successful people?

  First of all, there are many people who will tell you about success habits but today I want to tell you that even if you have achieved everything, yet there is a chance to lose everything, nobody knows when the next economic crisis will hit the world. The best success habit according to me is getting trained for handling failures.

  I also request every parent, please not only program your child to be successful but teach them how to handle failures and also teach them proper lessons about life. Learning high-level science and maths will help them to clear competitive exams but a knowledge about life will help them to face every problem. Teach them about how money works instead of teaching them to work for money. Help them in finding their passion because these degrees will not help them in the next economic crisis and we don’t know when the next crisis will hit the world.

*"Success is a lousy teacher. Failure teaches you more."*

Good read. This post is not mine. Just forwarded it , thought it to be worth reading.🙏

    Dear young Parents..

Please think: Right from Thomas Alwa Edison..Up to Jack Ma..

No Scholar..No Doctor.. No Scientist..No Teacher..No Political Leader..No Sportsman taste the Victory in the Very First Attempt !

   Why ? Anyone could tell you i ride my bicycle very well even in my First attempt ?

  Have in mind this and shape the siblings accordingly.

    Because in School and College we learn the lesson first and write the Exam at the End.

     But..Dear Children.. Life conducts the Exam first : make us Understand the Lesson at the end.

   ALL THE BEST CHILDREN !

இரத்தச் சர்க்கரையைக் குறைக்க.. நிலைப்படுத்த

வல்லமை தாராயோ இந்த மாநிலம் பயனுற வாழ்வதற்கே ! 

    அன்பானவர்களுக்கு வணங்கங்கள் !

     இரத்தச் சர்க்கரையைக் குறைக்க… நிலைப்படுத்த..

தேவையான பொருட்கள் 

வெந்தயம் - 1 பங்கு

கருவேப்பிலைப் பொடி - ½ பங்கு

மஞ்சள் தூள் - 1/4 பங்கு

பட்டை (குருமாவுக்குப் போடுவது) - ஒரு சிறிய துண்டு.

    செய்முறை :

வெந்தயத்தையும் பட்டைத் துண்டையும் போட்டு மிக்ஸியில் ஒரு ஓட்டு ஓட்டவும்.

வெந்தயம் சற்றே பொடிபட வேண்டும். அவ்வளவுதான்.

      ஓட்டிய இந்தக் கலவையுடன் கருவேப்பிலை மற்றும் மஞ்சள் தூளையும் போட்டு நன்றாகக் கலக்கவும்.

     மிக்ஸியில் ஓட்டியதினால் சற்றே சூடு இருக்கும்.

     நன்கு ஆறியதும் கண்ணாடி பாட்டிலில் அல்லது எவர்சில்வர் டப்பாவில் போட்டு வைத்துக் கொள்ளவும். பிளாஸ்டிக் டப்பாவில் போட்டு வைக்கக்கூடாது.

    காலை..மதியம்.. இரவு உணவுக்குப் பின் ஒரு டீஸ்பூன் அளவு சாப்பிட்டு வரவும். இந்தப் பொடியைச் சாப்பிடும் போது புரையேறி விடாமல் மெதுவாக உமிழ்நீருடன் கலந்து முழுங்கவும்.

   இதில் கவனிக்க வேண்டிய முக்கியமான விஷயங்கள் :

1.விரலி மஞ்சளை வாங்கி அரைக்கவும். கடையில் விற்கும் பொடி பயன்படுத்தக் கூடாது.

2.இந்தப் பொடியை எடுக்கும் முன் ஒரு சுகர் டெஸ்ட் எடுத்துக் கொள்ளவும்.

3.கறிவேப்பிலைப் பொடி நாட்டு மருந்துக் கடைகளில் கிடைக்கும். அல்லது நீங்களே வீட்டிலும் தயாரித்துக் கொள்ளலாம்.

வீட்டில் தயாரித்தால் கறிவேப்பிலை இலைகளை நன்கு கழுவி.. நிழலில் உலர்த்தி…ஈரப்பதம் முற்றிலும் நீங்கி மொறுமொறுவென்று காய்ந்து விட்டதை உறுதி செய்து கொள்ள வேண்டும். இது மிகவும் முக்கியம்.. இல்லை என்றால் பூஞ்சக்காளான் பூக்க வாய்ப்புண்டு…கவனம் !

4.நீங்கள் எடுத்துக்கொள்ளும் ஆங்கில முறை மாத்திரைகளை நிறுத்தக் கூடாது. அதை எப்படி எடுத்துக் கொள்வீர்களோ அப்படியே தொடர்ந்து சாப்பிட்டு வரவும்.

3 - 6 மாதங்களில் அவரவர் வயது..உணவுப்பழக்கம்.. மற்ற நோய் ஏதும் இருந்தால் அவற்றைப் பொறுத்து நல்ல பலன் கிடைக்கும். இது அனுபவ உண்மை.

நல்ல பலன் கிடைக்கத் துவங்கியதும் உங்கள் மருத்துவரின் ஆலோசனைப்படி ஆங்கில முறை மாத்திரைகளைப் படிப்படியாகக் குறைத்துக் கொண்டு இந்தப் பொடி சாப்பிடுவதைத் தொடரலாம்.

இதில் உள்ள அனைத்துப் பொருட்களும் உணவுப் பொருட்கள் தான். அதனால் பக்க மற்றும் பின் விளைவுகள் ஏற்பட வாய்ப்புக்கள் மிகவும் குறைவே !

இருப்பினும் ஒரு அடிப்படை விஷயத்தை மனதில் ஆழமாக வைத்துக் கொள்ள வேண்டும். எல்லோருக்கும் எல்லாமும் ஒத்தக்கொள்ளாது.

அதனால் கொஞ்சமாக முதலில் தயாரித்துச் சாப்பிட்டுப் பார்த்து.. ஒத்துக்கொண்டால் மேற்கொண்டு எடுத்துக் கொள்ளலாம்.

இந்தப் பொடியை எடுத்துச் சொன்னது Dr.Prakash Chhaaliyil என்ற Bio Chemist.

அமெரிக்கா வாழ் இந்தியர்.

uni5sakthifoundation

           என்ற websiteல் நீங்கள்       இதைப் பற்றி அறிந்து கொள்ளலாம்.

என் கணவருக்கு 2012 ல் முதல் heart attack. அதைத் தொடர்ந்து 2013ல் சிறுநீரகத் தொற்று. அதன் பின் பதினைந்து முறைகளுக்கும் மேல் மருத்துவ மொழியில் procedures என்று சொல்லப்படும் சிறிய அறுவை சிகிச்சைகள். 2015ல் மீண்டும் heart attack . 

ஆனால் இத்தனைக்குப் பின்னும் அவருடைய இரத்த சர்க்கரை அளவு அதிகம் கூடவோ.. குறையவோ இல்லை. அதற்குக் காரணம் இந்தப் பொடி தான்.

எங்கள் உறவினர் மற்றும் நண்பர்கள் என்று நிறையப் பேருக்கு இதைச் சொல்ல.. விடாது இதைப் பின்பற்றுவோருக்கு  சுகர் பற்றிய கவலையே இல்லை. நல்லபடியாக சீராக இருக்கிறது.

     நோயற்ற வாழ்வே

     குறைவற்ற செல்வம் !

         நல்வாழ்த்துக்கள் !

To control Diabetics i.e.Blood Sugar.

Ingredients:

1.Fenugreek (வெந்தயம்) - 1 unit

2.Curry leaves Powder- 1/2 unit

3.Turmeric Powder -1/4 unit

4.Cinnamon piece (பட்டை - மசாலாவில் பயன்படுத்தப்படுவது) - 3- 4 inch piece i.e. (ஒரு சிறு துண்டு)

Preparation:

1) Course Grind Fenugreek with Cinnamon (i.e. operate the mixie just 1 or 2 rotations only..If u grind more fenugreek will be ground to a flour stage which will difficult to swallow..Pl have this in mind.)

2) Turmeric powder should be home made only. This is also a must one.

3) Mix all well and store in a Glass Bottle only. This is also a rigid rule to have in mind.

Take 1tsp.of this mixture after Breakfast.. Lunch and Dinner.

 Pl take a blood test b4 starting to consume this powder.

Continue to take this atleast for 5-6 months. 

If u r taking any allopathic medicine for controlling sugar.. Pl DON'T STOP IT.

Fenugreek.. Turmeric etc.r our routine food items only which never create any side or after effects.

   Even then , pl.have in mind Always , everything won't suit everybody.

So prepare a little quantity.. consume..If u feel Good.. Continue.

But this sugar mixture prooved to control blood sugar.

    U should buy Turmeric sticks and make the powder. Never use the turmeric powder bought from shops.This is very very important !

   This is the recommendation of one organization called Unii5 sakthi foundation.

U could visit at www.uni5sakthifoundation.org

                  

அஸ்வகந்தா லேகியம்

வல்லமை தாராயோ இந்த மாநிலம் பயனுற வாழ்வதற்கே !

      அன்பானவர்களுக்கு வணக்கங்கள் !

      அஸ்வகந்தா லேகியம்

        

   அஸ்வகந்தா லேகியம் ஆயுர்வேத மருந்துகள் விற்கும் கடைகளில் கிடைக்கும்.

    ஒரு விஷயம் தெரிந்து கொள்ளுங்கள் நண்பர்களே !

அஸ்வகந்தா லேகியத்தை 5 வயது முடிந்த குழந்தைகள் முதல் (கட்டாயம் 5 வயது முடிந்திருக்க வேண்டும்) பெரியவர்கள் வரை யார் வேண்டுமானாலும் காலையில் ஒரு சுண்டைக்காய் அளவு சாப்பிட்டு வந்தால் நோய் எதிர்ப்பு சக்தி கூடும்.

எங்கள் நண்பர்கள் 3 பேர் சித்தா மற்றும் ஆயுர்வேத மருத்துவத்தில் மேல்நிலைப் பட்டங்கள் பெற்றவர்கள். மிகுந்த அனுபவசாலிகள் ! அவர்களின் அறிவுரையின்படி நாங்கள் எங்கள் வீட்டுப் பிள்ளைகளுக்கும் மற்றும் உறவினர்கள் , நண்பர்கள் வீட்டுப் பிள்ளைகளுக்கும்  அந்த மருத்துவர்களின் ஆலோசனைகளின்படி அஸ்வகந்தா லேகியத்தைக் கடந்த 35 ஆண்டுகளுக்கு மேலாகக் கொடுத்து வருகிறோம். அவ்வப்போது ஓரிரு மாதங்கள் இடையில் நிறுத்தி மீண்டும் தொடரச் சொல்வார்கள் அந்த மருத்துவ நண்பர்கள்..

நோய் எதிர்ப்புச் சக்தியை வலுப்படுத்தும் இந்த லேகியம்.. நரம்பு தொடர்பான கோளாறுகளையும் சரிசெய்து விடுகிறது என்பது எங்கள் அனுபவம். 

    நமது பாரம்பரியமான 

" உணவே மருந்து..

மருந்தே உணவு " என்ற கொள்கை நிலைக்கு நாம் முழுவதும் திரும்பிவிட்டாலே நாம் நமது

 " நோயற்ற வாழ்வே குறைவற்ற செல்வம் " என்ற அருமையான ஆரோக்கிய நிலையை அடைந்து விடலாம் அன்பு நண்பர்களே !

நல்வாழ்த்துக்கள் நண்பர்களே !

         இந்தப் பதிவைப் பற்றிய தங்களின் மேலான கருத்துக்களை எனது blogல் உள்ள Post comment பகுதியில் தயவுசெய்து தெரிவிக்கவும்.

நன்றிகள் நண்பர்களே !

புலம்பெயர் மனிதர்கள்..

    வல்லமை தாராயோ இந்த மாநிலம் பயனுற வாழ்வதற்கே !

        அன்பானவர்களுக்கு வணக்கங்கள் !

        தமிழர்கள் திரைகடலோடித் திரவியம் தேடினர். அப்படியே அங்கங்கே நிரந்தரமாக வாழவும் தொடங்கி விட்டனர். பர்மா.. சிங்கப்பூர்.. மலேசியா.. தாய்லாந்து.. இலங்கை.. மொரீசியஸ்..தென்னாப்பிரிக்கா - இப்படி அடுக்கிக் கொண்டே போகலாம்.

     தமிழர்கள் மட்டுமல்ல.. உலக வரலாற்றில் டச்சுக்காரர்கள் போர்த்துகீசியர்கள்...இப்படி எத்தனை எத்தனையோ நாட்டுக்காரர்கள் கடலோடி வாணிபம் செய்தனர்.. பின்னர் கொஞ்சம் கொஞ்சமாக நாடு பிடித்தனர். சிலர் மட்டுமே சொந்த நாடு திரும்பினர். பலர் அப்படி அப்படியே.. வந்த இடத்திலேயே வாழத் தொடங்கி விட்டனர்.

    ஒரு கட்டம் வரையில்.. எல்லாம் அமைதியாகப் போகும் வரையில் பிரச்னைகள் இல்லை. எங்கோ ஒரு சின்ன வில்லங்கம் ஏற்படும் போது கொளுத்திப் போட்டப் பட்டாசுகளாக நிலமை மாறிப் போய்விடுகிறது.. வாழ்வாதாரம் சிறிது சிறிதாகப் பறிக்கப்பட்டு அகதிகளாகப் புலம்பெயரத் தொடங்கி விடுகின்றனர்.

எத்தனை நிகழ்வுகள் உலக வரலாற்றில்..

நவீன காலத்திலும் இதேதான் நிலைமை..

அதனால் பணம் சம்பாதிக்க வெளிநாடு செல்வோர் ஒரு கட்டத்தில் போதுமென்ற மனதோடு தாயகம் திரும்புவதுதான் உத்தமம் !

உணர்ந்தால் உய்வுண்டு நண்பர்களே !

       இந்தப் பதிவைப் பற்றிய தங்களின் மேலான கருத்துக்களை blog.ல் உள்ள    Post Comment பகுதியில் தயவுசெய்து பலிவிடவும்.

        நன்றிகளும்.. நல்வாழ்த்துக்களும் நண்பர்களே !

புலம்பெயர் தொழிலாளர்கள்

        அப்..பா...எம்முட்டுத் தூரம் நடக்கறது..முடியல்லே… ஆனா நடந்து தான் ஆகணும்..

     இங்க வேலைக்குன்னு வந்தப்பக் கொஞ்சம் பயம் இருந்தாலும்… சமாளிச்சிடலாம்னு தான் நெனச்சேன்…

      கெடச்ச மொதலாளியும் பரவால்ல…ஓரளவு தன்மையாத்தான் இருக்காரு...சாப்பாடு.. இருக்க எடம் தந்துட்டாரு...கெடக்கிற சம்பளத்துல.. டீ..அப்புறம் பீடி செலவு போக அப்படியே பல்லக் கடிச்சிக்கிட்டு..கொஞ்சம் கொஞ்சமாச் சேத்து…ஒவ்வொரு வாட்டி ஊருக்குப் போகும் போதும் பத்தாயிரம்…பதினையாயிரம்னு கொண்டு வீட்ல கொடுக்கும்போது ராஜ உபசாரந்தான்…

     இப்படி ஏழெட்டு வருஷம் ஓட்டிட்டேன்... என்னதான் கஷ்டமாக இருந்தாலும் நம்ம குடும்பத்து ஆட்கள் சந்தோஷப்படும் போது..அதுல ஒரு சொல்ல முடியாத சொகமும்.. நிம்மதியும் இருக்கத்தான செய்யுது..?

     ஆனாக்க இந்த வாட்டி அப்படியில்லே…

       திடீர்னு கொரோனான்னு ஒண்ணு வந்து ஓவர் நைட்ல பூகம்பம் பொரட்டிப் போட்டா மாதிரி எல்லாம் அப்படியே மாறிப்போச்சு.. திடீர்னு கம்பெனிய மூடிட்டாங்க.. என்னவோ லாக்டவுன்னாங்க.. நாலு நாள் கூடச் சமாளிக்க முடியல்லே… வீட்டு ஓனர் வீட்டக் காலி பண்ணச் சொல்றாங்க.. பொண்டு புள்ளகள வச்சுருக்கறவங்க தவிச்சுப் போய்ட்டாங்க…நல்லவேள.. எனக்குக் கல்யாணம் ஆகல..

      எங்க போய்த் தங்கறதுன்னு ஒருபக்கம் அலமோதுனா...சாப்பிட ஒரு டீக்கட கூட இல்ல…

     மவராசங்க… யார் யாரோ சாப்பாடு குடுக்கறாங்க..

     ஆனா இதெல்லாம் எத்தினி நாளைக்கு நடக்கும்…?

     எங்களப் போன்ற எல்லாருமா

சேந்து பேசி முடிவெடுத்து நடக்க ஆரம்பிச்சோம்…

     சில பேர்ட்ட சைக்கிள் இருந்துச்சு…அதுல பச்சப்பிள்ளைங்க...புள்ளத்தாச்சி பொம்பளகள ஒக்காரவச்சு ஓட்டிக்கிட்டு வந்தாங்க…வழில போலீஸ்காரங்க கேள்வி மேலக் கேள்வி கேப்பாங்க… அப்புறம் அவுங்களே பாவம்னு விட்ருவாங்க..

      இப்படிப் பத்து நாள் நடந்தாச்சு.. இப்ப முடியலே…வலிக்குது காலு...ஒடம்பு…மனசு எல்லாம்.. ஊர்போய் எப்படா சேர்வம்னு இருக்கு…

      இதுல கையில இருக்குற கொஞ்சப் பணமும் கரையுதேங்குற கவல… அதுக்காகத் தண்ணியத்தான் அதிகமாக் குடிச்சுக்கிறேன்…

     இதுல இன்னிக்கு ஒரு டீக்கடைல டீக்குடிக்க நின்னப்ப டிவில ஒண்ணு பாத்தேன்…எங்கள மாதிரி வெளி நாட்டுல வேல செய்ற தொழிலாளர்களக் கூட்டியாரக் கவர்ன்மெண்ட்டு ஏராப்ளேன் ஏற்பாடு செய்யுதாம்...அப்ப ஏன் அதே கவர்ன்மெண்ட்டு நம்ம நாட்டுக்குள்ளேயே ஊருவிட்டு ஊரு வந்து வேல செய்ற எங்களக் கண்டுக்கல… நாங்களும் ஒழையா ஒழச்சுக் கவர்ன்மெண்ட்டுக்குப் பல வகையில ஒதவுறமுல்ல…? 

     ஆனா அவுங்களும் பாவந்தான்.. இந்த நோயி புரியாத புதிரா இருக்குதாம்...அதோடப் போராடத்தான் இந்த…அது என்னது… லாக்டவுனாம்…

ஆனாலும் மனசு அடங்கல… எங்களயும் அவுங்க வேலையோட வேலையாக் கொஞ்சம் கவனிச்சிருக்கணும்..ஒதவியிருக்கணும்...தங்கறதுக்காவது ஏதாவது ஏற்பாடு பண்ணியிருக்கணும்…

இஸ்கோலு...காலேஜு...கல்யாண மண்டபங்கள் இப்படி எத்தன இருக்கு ? அதுல தங்கவாச்சும் ஏற்பாடு பண்ணியிருக்கலாமுல்ல…

அட...ஒரு நாலஞ்சு… நாலஞ்சு மொதலாளிகளாச் சேர்ந்தாவது எங்களுக்கு ஒரு ஒதவி செஞ்சுருக்கலாமுல்ல...அவுகளுக்குத் தானே நாங்க ராவாப்பகலாப் பாடுபட்டோம்…

    பெரீய மொதலாளிகள்ளாம் சேர்ந்து ஒரு சங்கம் வச்சுருக்காங்களே…அது இன்னாது….ஆங்...லயன்ஸ் கிளப்பு...ரோட்டரி…அப்டீன்னெல்லாம்….அதுங்க மூலம் எங்களுக்கு ஏதாவது செஞ்சகருக்கலாமில்லே...ஒண்ணஞ் செய்யல

    இன்னிக்குக் காலைல பாத்தீங்கன்னா எங்களோட நடந்து வந்த ஒரு புள்ளைக்குப் பிரசவ வலி வந்து… புள்ளையே பொறந்துருச்சு…

      எல்லாரும்

பதறிப்போய்ட்டோம்…  கொஞ்ச நேரம்… ஆள் நடமாட்டமே இல்லாத… நாங்க ஒரு பத்து..இருபது பேர் மட்டுமே நடந்து போய்க்கொண்டு இருக்கறப்ப இப்படி நடந்தா…? 

     வெலவெலன்னு ஆயிருச்சுங்க.. கொஞ்ச நேரம் கழிச்சு ஒவ்வொருத்தரா நடக்க ஆரம்பிக்க அந்தப்பொண்ணும் தட்டுத்தடுமாறி கையில பச்ச மண்ணோட நடக்க ஆரம்பிச்சுருச்சு…

      இது என்னடா கடவுளோட சோதனைன்னு….ஆங்….அய்யோ...கல்லு ஏதோ தடுக்கீறுச்சு… விழுந்துட்டேன்.. பக்கத்துல இருந்த ஒரு பெரிய கல்லுல மண்ட பட்டு ரத்தம் ஆறா ஒழுகுது...கூட இருந்தவங்களும் பதறி ஓடி வ...ரா...ங்..க.. எனக்கு நென..வு தப்...புது...மயக்கமா இருக்கு..! அப்...படி..யே…

   சுத்தி நிக்கிறவங்க பேசுறது லே….சாக் காதுல விழுது… 

    " அடி பலம்மா..இருக்கு.. நம்ப முடியாது… இப்ப என்னா பண்றது…"

     அதுக்கு மேல ஒண்ணுமே வெளங்கலே எனக்கு…

     ' ஐய்யோ…எம்பணம்...எங்க வீட்டுக்காக நானு கஷ்டப்பட்டுச்

சம்பாதிச்ச பணம்..'

     என் முன்னாடி ஒரே இருட்ட்ட்ட்டா…..

  

         இது கதையல்ல…இன்று நமது பாரதத் திருநாட்டில் நடக்கும் நடப்பு….மிகமிக மிகமிக மிகமிக வேதனை ஏற்படுத்தும் நடப்பு ..

    மீண்டும் ஒரு மிகப்பழையக் கேள்வி ஒன்று நிற்கிறது என் முன்..

     " இந்த உலகம் வசதியானவர்களுக்கு மட்டுந்தானா ????? "

    

சட்டென்று யாரையும் மதிப்பிட வேண்டாம்...

வல்லமை தாராயோ இந்த மாநிலம் பயனுற வாழ்வதற்கே !

அன்பானவர்களுக்கு வணக்கங்கள் !

இன்று நான் படித்த ஒரு குட்டிக் கதையை உங்களுடன் பகிர விரும்புகிறேன்.

ஒரு பிரபல விஞ்ஞானி காரில் பயணம் செய்து கொண்டிருந்தார்.

 வழியில் டயர் பஞ்சர் ஆகி விட்டது. ஆள் நடமாட்டமே இல்லை.

பக்கத்தில் கடைகளும் ஏதும் இல்லை.

தானே டயரைக் கழற்றி ஸ்டெப்னி மாற்ற ஆரம்பித்தார்.

அனைத்து போல்ட்டுகளையும் கழற்றிவிட்டு ஸ்டெப்னி எடுக்கப் போகும் போது,

கால் தடுக்கிக் கீழே விழ ,

கையில் இருந்த போல்ட்டுக்கள் அனைத்தும் உருண்டு போய் சாக்கடையில் விழுந்தன.

என்ன செய்வது என்று யோசித்த போது கிழிந்த ஆடையுடன் ஒரு வழிப் போக்கன் அந்த வழியே வந்தான். 

அவரிடம் "ஐயா! என்ன ஆயிற்று?" என்று கேட்டான்.

அந்த விஞ்ஞானி மனதில் இந்த அழுக்கடைந்த சாக்கடையில் இறங்க இவன் தான் சரியான ஆள் என்றெண்ணி அவனிடம்,

 " இந்தக் சாக்கடையில் விழுந்த போல்ட்டுகளை எடுத்துக் கொடுக்க முடியுமா......??எவ்வளவு பணம் வேண்டுமானாலும் தருகிறேன்" என்றார்.....!!

அதற்கு வழிப்போக்கன் 

" இதுதான் உங்கள் பிரச்னையா.... ? அந்தச் சாக்கடையில் இறங்கி எடுத்துத்தர எனக்கொன்றும் ஆட்சேபனை இல்லை.

ஆனால் அதைவிடச் சுலபமான வழி ஒன்று இருக்கிறது........!!

மூன்று சக்கரங்களிலிருந்தும் ஒவ்வொரு போல்ட்டைக் கழற்றி இப்போதைக்கு இந்த சக்கரத்தை மாட்டி வண்டியைத் தயார் செய்து கொள்ளுங்கள்...!! வண்டியை ஓட்டிச் சென்று, அருகில் உள்ள மெக்கானிக் கடையில்,4 போல்ட் வாங்கி எல்லா சக்கரத்திலும் மாட்டிக் கொள்ளுங்கள்" என்றான்.

விஞ்ஞானிக்குத் தூக்கி வாரிப் போட்டது.......!!!

நான் இத்தனை பெரிய விஞ்ஞானியாய் இருந்தும், இந்தச் சுலபமான வழி புலப்படாமல் போனதே.........!!!இவரைப்போய்க் குறைத்து மதிப்பிட்டு விட்டோமே ... ! என்று தலை குனிந்தார் விஞ்ஞானி......!

உயிருள்ள பறவைக்கு எறும்பு உணவு.........!!!!!!!

உயிரற்ற பறவையோ எறும்புக்கே உணவு.........!!!!!

நேரமும் சூழலும் எப்போதும் மாறலாம்.........!!!

யாரையும் குறைவாக மதிப்பிட வேண்டாம்........!!!!

 எவ்வளவு உண்மை... யோசியுங்கள் நண்பர்களே ! இதைத்தான் நமது பெரியவர்கள் " துரும்பும் பல் குத்த உதவும் " என்றார்கள்.

உடை அழகாக இருப்பது போல் உள்ளமும் அழகாக இருப்பவர் தாம் மனிதர்கள் !

நல்வாழ்த்துக்கள் நண்பர்களே !

தங்களின் மனதில் இதைப் படித்ததும் தோன்றும் எண்ணங்களைப் blogல் உள்ள Post comment பகுதியில் பகிருங்கள்..

உழைப்பு... உழைப்பாளர்கள்

வல்லமை தாராயோ.. இந்த மாநிலம் பயனுற வாழ்வதற்கே !

  அன்பானவர்களுக்கு வணக்கங்கள் !

    இத ஆங்கில வருட முறைப்படி மே மாதம். மே மாதம் ஒன்றாம் தேதியை " உழைப்பாளர் தினம் " என்று உலகளவில் கொண்டாடுகிறோம் உடலுழைப்பு நல்கும் அனைவரையும் கௌரவிக்கும் முகமாக. நல்லது.

   ஆனால் இன்றைய யதார்த்தம்.. உடலுழைப்புத் தொழிலாளர்கள்... அதிலும் புலம்பெயர்ந்து வந்தவர்கள் கொரோனாவை ஒட்டிய தடைவிதிப்பால் வேலைகளை இழந்து.. தங்கள் சொந்த ஊர்களுக்கு எப்படி எப்படியோ திரும்பிக்கொண்டு இருக்கிறார்கள் மிகவும் உடல் மற்றும் மனக் கஷ்டங்களுடன்..

இது மிகவும் வேதனையைத் தருகிறது.

    சில மாதங்கள் முன்பு வரை வட இந்தியத் தொழிலாளர்கள் தமிழகத் தொழிலாளர்களின் வேலை வாய்ப்பைப் பறித்துக்கொண்டு விட்டனர் என்று கூக்குரல் போட்டுக்கொண்டு இருந்தனர் சில அரசியல் கட்சிகளும்.. "தன்னார்வலர்கள்" என்று சொல்லிக் கொண்டு இருந்த சிலரும்..

     இந்த நேரத்தில் அவர்களிடம் ஒரு கேள்வி கேட்க எண்ணுகிறேன்.

    கடந்த 50 ஆண்டுகளுக்கு மேலாக மதுக்கடைகளைத் திறந்து உடல் உழைப்பாளர்களான வறுமைக் கோட்டுக்குக் கீழ் இருப்போர் மற்றும் கீழ் நடுத்தர.. மேல் நடுத்தர மக்களைக் குடிக்கு அடிமைகளாக்கி விட்டு..

அரசியல் சுய லாபத்திற்காக.. வாக்குகளை அள்ள வேண்டும் என்பதற்காக பலப்பல இலவசங்களுக்கும் அடிமையாக்கி விட்டு..(அந்த இலவசங்கள் சில நாட்களிலையே காயாலாங்கடைகளுக்கு வந்து விடுகின்றன என்பது இதில் கவனிக்க வேண்டிய இன்னொரு விஷயம் )

" வேலை இல்லாத் திண்டாட்டம்.. தமிழகத் தொழிலாளர்களுக்கு வேலை இல்லை " என்று கூக்குரல் போடுபவர்கள் ஒன்றை வசதியாக மறந்து விடுகிறார்கள் அல்லது மறந்தது போல் நடிக்கிறார்கள்.

    நூறு நாள் வேலைத்திட்டம்.. மகளிர் சுய உதவிக் குழு போன்றவை அருமையான திட்டங்கள் ! 

   இதில் வளமைபோல் நூறு நாள் வேலைத்திட்டம் கட்சிக்காரர்களின் கட்டுப்பாட்டில் தான் இருக்கிறது.

அதிலும் கமிஷன்.. உள் கமிஷன்... உள் உள் கமிஷன் என்று பல்வேறு கட்டங்கள் .

யார் யார் அந்த மேஸ்திரியைத் தினமும் " கவனிக்கிறார்களோ "அவர்கள் காலை 11 மணிக்கு மேல் வந்து விட்டு மதியம் 3 மணிக்குக் காசை வாங்கிக்கொண்டு (மேஸ்திரிக்கு வெட்ட வேண்டியதை வெட்டி விட்டுத்தான்) நேராக டாஸ்மாக் கடைக்குப் போய்விட்டு.. ஒன்று சாலையில் விழுந்து கிடக்கிறார்கள்.. அல்லது வீட்டுக்குப் போய் ரகளை பண்ணுகிறார்கள். 

  இவர்கள் வீட்டுப் பெண்கள் பிள்ளைகளின் படிப்பு மற்றும் இதர செலவுகள்.. பண்டிகைகள் போன்றவற்றிற்கு மகளிர் சுய உதவிக் குழு வழங்கும் கடனைப் பயன்படுத்திக் கொள்கிறார்கள்... " அந்தத் திட்டம் மூலம் நாம் ஏதாவது சிறு தொழில் செய்து முன்னேறலாம் " என்பதை அடியோடு மறந்து விட்டு...

     இந்த நிலைக்கு யார் காரணம் ?

     இலவசங்களுக்கு அடிமையான மக்களா ?

    இலவசங்களைத் தாங்கள் கொள்ளையடித்த பணத்திலிருந்து கொஞ்சம் தூக்கி எறிந்தால் போதும்..இந்த மக்களை வெகு எளிதாக ஏமாற்றி ஆட்சியைப் பிடித்து விடலாம் என்ற நினைப்பில் திளைத்துப் போயிருக்கும் தமிழக திராவிடக் கட்சிகளா ?

      இதைப் படிப்பவர்கள் இந்த blogன் Post comment பகுதியில் தங்களின் மேலான கருத்துக்களைப் பதிவிடும்படி பணிவுடன் கேட்டுக் கொள்கிறேன்.

     வாருங்கள்... அருமை நண்பர்களே ! நமது தமிழகத்தை நல்ல தமிழகமாக மாற்ற நம்மாலான முயற்சிகளை மேற்கொள்வோம்.

     அனைவருக்கும் நல்வாழ்த்துக்கள் நண்பர்களே !

       

தப்புக்குத் தண்டனை நிச்சயம் உண்டு !

நாம் இன்னா செய்தது எல்லாம் வல்ல ஆண்டவனின் பிற படைப்பினங்களான மரம் செடி கொடிகள்.. தாவரங்கள்.. விலங்குகள்.. பறவைகள்.. இவைகளின் வசிப்பிடங்களான மலைகள்.. காடுகள்.. ஆறுகள்.. குளங்கள்.. இப்படி..

Dodo Birds என்று கூகுளில் தேடிப்பாருங்கள் நண்பர்களே. மொரீசியஸ் தீவுகளில் வசித்த அவற்றைப் போர்ச்சுகீஸியர்களும்..பின்னர் டச்சுக்காரர்களும் எப்படி அவற்றை தங்கள் சுயநலத்திற்காகப் பயன்படுத்தினார்கள்...வெளியுலகத்திற்கு அறிமுகமான 150 ஆண்டுகளுக்குள் ஒட்டுமொத்தமாக அவை எப்படி அழிந்து போயின என்று தெரியவரும்.

இப்போது நாம் பாதிக்கப்படும் போது கதறுகிறோம்.. அலறுகிறோம்.. பயப்படுகிறோம்..அதுவும் நமது மனிதன் ஒருவனே உலகையாளும் பேராசையால் உருவாக்கி உலாவிட்ட ஒரு கிருமியால்..

இது எந்த வகையில் நியாயம் நண்பர்களே ???

   தப்புகள் முழுவதும் நம் மனித குலத்தால் செய்யப்பட்டவை நண்பரே. மொழி பேச முடியா தாவர.. விலங்கு மற்றும் பறவை இனங்களை மொத்த மொத்தமாக அழித்தோம்.

     சில மாதங்களுக்கு முன் அமேசான் காட்டுத்தீ எத்தனை உயிர்களைக் கதறக்கதறத் தாக்கி அழித்திருக்கும் ? அந்த அப்பாவி உயிரினங்களின் இறுதி கட்டக் கூக்குரல் உங்கள் காதில் விழவில்லை ?

     அந்தப் " பாவம் " இப்போது மொத்தமாக நம்மைக் குறிவைத்து வந்திருக்கிறது.

    நமக்கு ஆபத்து என்றதும் "குய்யோ முறையோ' என்று பதறுகிறோம்.. கதறுகிறோம்..

இது நியாயமா நண்பர்களே ?

     இதைப் படித்துவிட்டு தங்களின் மேலான கருத்துக்களை Post comment sectionல் எழுதும்படி பணிவுடன் கேட்டுக் கொள்கிறேன்.

               

 

நவீன மருத்துவம் என்பது இதுதான் !

        வல்லமை தாராயோ இந்த மாநிலம் பயனுற வாழ்வதற்கே !

          அன்பானவர்களுக்கு வணக்கங்கள்!

        ஒன்றரை மாதங்களில் சுமார் 12 ஆயிரம் கோடிகளுக்கு விற்பனையை இழந்த ஆங்கில மருந்து ஃபார்மா நிறுவனங்கள். அத்தனை மருந்துகளை உண்ணாமலும் உயிர் வாழும் மனிதர்கள்.நாளொன்றுக்கு குறைந்தது 10 அறுவை சிகிச்சைகளாவது செய்து வந்த மருத்துவமனைகளில் ஒரு அறுவை சிகிச்சை கூட நடக்கவில்லை.100, 200 படுக்கைகளைக் கொண்ட மருத்துவமனைகளில் காலியாகக் கிடக்கும் படுக்கை அறைகள்.மூடிக்கிடக்கும் மருத்துவமனைகள்.அப்படியென்றால் 12 ஆயிரம் கோடிகளுக்கு மருந்து வாங்காதவர்கள், அறுவை சிகிச்சைகள் செய்து கொள்ளாதவர்கள், மருத்துவமனைகளில் படுக்கைகளை நிரப்பாதவர்கள் எல பல ஆயிரக்கணக்கானோர் இறந்திருக்க வேண்டுமே?ஆனால், இடுகாடு, சுடுகாடுகளிலும் எண்ணிக்கை மிகவும் குறைந்து போனதே.எங்கே போனார்கள் அத்தனை பேரும் ???ஆக, 12 ஆயிரம் கோடி ரூபாய்கள் வணிகம் நின்று போனதில் கிழிந்து தொங்குகிறது மருத்துவ வணிக நிறுவனங்களின் முகமூடிகள்.அடப்பாவிகளா, இதெல்லாம் இல்லாமலே நல்லாதாண்டா நாங்க இருக்கோம்.அப்போ .. தேவையையும்  செயற்கையா உருவாக்கி பொருட்களை சேவைகளையும் உருவாக்கி விற்பதுதான் "நவீன மருத்துவ அறிவியலா" ?...

                   

      சில தினங்களுக்கு முன் நான் படித்தது இக்கட்டுரை.

               " நோய்நாடி நோய்முதல்நாடி அது தணிக்கும்

வாய் நாடி வாய்ப்பச்செயல் " என்றார் திருவள்ளுவர். இந்த முறை அறவே இல்லாத ஆங்கில மருத்துவம்...அதன் மூலம் சில குறிப்பிட்ட மருந்து தயாரிக்கும் நிறுவனங்கள் டாலர்களில் கொழிக்கின்றன. 

        எங்களுக்கு நன்கு தெரிந்த ஒரு சித்த மருத்துவர் ( பைசாவுக்கு ஆசைப்படாத மனிதர்) கூறுவார் : ஒரு நோய்க்கு ஒரு மருந்து கொடுத்தால் குறிப்பிட்ட காலவரையறைக்குள் குணமாக வேண்டும்... அதுதான் மருந்து... அதற்குப் பேர்தான் மருத்துவம் " எவ்வளவு உண்மை.. !உணருங்கள் தோழர்களே..இளம் பிள்ளைகளே. 

        இளம் பெற்றோருக்கு ஒரு பணிவான விண்ணப்பம் : 

     உங்கள் குழந்தைகளுக்குக் கூடுமானவரை வீட்டில் சமைத்த உணவுகளையே கொடுங்கள்.. கொடுக்கும் போது அந்த உணவில் என்னென்ன சத்துக்கள் இருக்கின்றன என்பதை அவர்களுக்குப் புரியும்படி விளையாட்டாக எடுத்துக் கூறுங்கள். அவர்கள் அதிபுத்திசாலிகள்... கட்டாயம் புரிந்து கொள்வார்கள்.

     இரண்டு அல்லது மூன்று மாதத்திற்கு ஒருமுறை அவர்கள் விரும்பும் வெளி உணவுகளை வாங்கிக் கொடுங்கள்... தப்பில்லை... நீங்கள் வாங்கிக் கொடுக்கவில்லை என்றால் அவர்கள் தங்கள் நண்பர்கள் கொண்டு வருவதைச் சாப்பிட ஆசைப்படுவார்கள். சாப்பிடவும் செய்வார்கள்... ஆனால் உங்களிடம் மறைப்பார்கள்.. அதற்கு இடம் கொடுக்காதீர்கள்.        எந்த விஷயத்தையும் அவர்களிடம் மனம் விட்டு அவர்களுக்குப் புரிகிற மாதிரி பேசுங்கள்... கட்டாயம் புரிந்து கொள்வார்கள்...

       நீங்கள் உங்கள் பிள்ளைகளை மட்டும் வளர்க்கவில்லை... எதிர்கால பாரதத்தை வளர்க்கிறீர்கள்..

     நாளைய நமது நாட்டின் அடிப்படை அஸ்திவாரமும் அவர்கள்தான்... தூண்களும் அவர்கள்தான்.

மனதில் கொள்ளுங்கள் பிள்ளைகளா !

       " நல்ல நல்ல பிள்ளைகளை நம்பி - இந்த

நாடே இருக்குது தம்பி !

சின்னஞ்சிறு கைகளை நம்பி ஒரு

 சரித்திரம் இருக்குது தம்பி " 

       நல்வாழ்த்துக்கள் அன்புப் பிள்ளைகளா !

        நீங்கள் என்ன நினைக்கிறீர்கள் என்பதைப் Post comment sectionல் தவறாமல் பதிவிடுங்கள் கண்மணிகளா !

      

வல்லமை தாராயோ இந்த மாநிலம் பயனுற வாழ்வதற்கே !

வல்லமை தாராயோ இந்த மாநிலம் பயனுற வாழ்வதற்கே !

அன்பானவர்களுக்கு வணக்கங்கள் . 

கண்ணுக்குத் தெரியாத ஒரு கிருமி இன்று உலகத்தின் 90 % நாடுகளின் கண்களில் விரலைவிட்டு ஆட்டிக்கொண்டு இருக்கிறது. இந்த நிலை ஏனென்று ஒரு நொடி நின்று யோசித்துப் பாருங்களேன்...

" கோழிக்கும்.. அணிலுக்கும்.. குருவிக்கும் இங்கே கொரோனா பயமில்லையே !

கோடியில் காசு சேர்க்கும் மனிதரைக் கொரோனா விடவில்லையே !

ஏனென்று ஒரு நொடி சிந்தித்துப் பாருங்கள் எந்தன் தோழர்களே !

இயற்கையைவிட்டு விலகி வந்ததன் பலனிது தோழர்களே.."

    இறைவன் அந்தந்தப் பகுதிகளில் அந்தந்த உயிரினங்களுக்குத் ( நன்றாகக் கவனிக்கவும்...மனிதர்களுக்கு மட்டுமில்லை....உயிரினங்கள் அனைத்திற்கும் ) தேவையானவற்றை உணவே மருந்தாகவும்... மருந்தே உணவாகவும் படைத்து அளித்துள்ளான். ஆனால் நாம் அதைவிடுத்து... அன்றாட உணவு... உடை...வாழ்க்கை முறை - இப்படி அனைத்தையும் 

" நாகரீகம் " என்ற பெயரில் தாறுமாறாகப் பின்பற்ற முனைந்து... அவை ஒவ்வாமல்... அது நமக்குப் பொருந்தவில்லை என்று அறிந்தும் வரட்டுக் கௌரவத்திற்காகவும்... நாலு பேர் நம்மைக் கொண்டாட வேண்டும் என்ற ஒரு போலி மகிழ்ச்சிக்காகவும் வாழப்போய் இன்று " உள்ளதும் போச்சுடா.. நொள்ளக் கண்ணான்"னு இன்று நமது அருமையான உடல் மற்றும் உள்ள நலன்களை இழந்து தவிக்கிறோம். 

    நோய் எதிர்ப்பு சக்தியே மாபெரும் மருந்து. அதை வளர்க்க... நிலைபெறச் செய்ய நமது அஞ்சரைப்பட்டியே போதுமானது. இஞ்சியும்.. சுக்கும்..எலுமிச்சையும்.. மஞ்சளுமே ஆகப்பெரிய கிருமி நாசினிகள் என்று நமது வணக்கத்திற்குரிய சித்தர்கள் என்றோ எழுதி வைத்துவிட்டுப் போனது... இன்றும் தம்மை நிரூபிக்கின்றன உலகம் முழுவதும் ! இதைவிடப் பெரிய விஷயம் இன்றைய கொரோனா காலகட்டத்தில் என்ன உள்ளது நண்பர்களே... இளைஞர்களே... இளம் அன்னையர்களே ?

        தயவுசெய்து இளம் அன்னையர்கள் நமது பிள்ளைகளுக்கு நமது நாட்டின் பாரம்பரிய உணவு.. உடை மற்றும் உயர்ந்த நடைமுறைகளைச் சொல்லிக் கொடுத்து வளர்க்க வேண்டுகிறேன்.

  சிந்தியுங்கள்... சிறப்புடன் வாழத் துவங்குங்கள்..!

அனைவருக்கும் நல்வாழ்த்துக்கள் கண்மணிகளா !

   வாழ்க தமிழகம் !

   வாழிய பாரத மணித்திருநாடு !